Stoð og stuðningskerfi Engjaskóla

Í Engjaskóla eru u.þ.b.320 börn í 16 bekkjardeildum.

Stoðkennsla á yngsta stigi.
Stoðkennsla á yngsta stigi fer að mestu fram inni í bekk og er að mestu leiti um lestrarkennslu að ræða auk stærðfræðihjálpar.
Einnig fer fram kennsla og þjálfun barna með hegðunarraskanir og einnig er álagi létt af börnum með athyglisbrest/ofvirkni með því að gefa þeim rými til leiks og hreyfingar.
Þessari aðstoð sinna stuðningfulltrúi og kennari

Ásgarður er stoðver á yngsta stigi.
Kennari og stuðningsfulltrúar eru með litla hópa í lestri og stærðfræði. Stuðningsfulltrúar aðstoða líka inni í bekkjum undir stjórn umsjónarkennara .
Sérstakt úrræði er fyrir nokkra nemendur sem þurfa aðlagað námsefni og sjálfsstyrkingu í litlum hóp. Stuðningsfulltrúi vinnur með hópinn undir stjórn kennara.
Lögð er áhersla á að fylgjast vel með námsárangri nemenda á yngsta stigi og lögð fyrir stöðluð próf í læsi og stærðfræði til að hægt sé að aðstoða þá nemendur sem þurfa á því að halda.


Stoðkennsla á miðstigi:
Fer að mestu fram í litlum hópum í stoðverinu Valhöll og í námskeiðsformi.

Í Valhöll fer aðallega fram stoðkennsla í íslensku og stærðfræði. Þeir nemendur sem eru mest í Valhöll fá einnig aðlagað námsefni í samfélagsfræði.
Nemendur fá námsefni við hæfi og leitast er við að auka skilning þeirra og áhuga og jafnframt byggja upp sjálfstraust og trú á eigin getu.
Áhersla er lögð á að auka lestrarfærni þeirra og efla áhuga á sjálfstæðum bóklestri.
Að öðru leitu fylgja þessir nemendur bekkjum sínum.

Stoðkerfi á elsta stigi

Stoðkennsla á elsta stigi er þríþætt.
Hún fer fram í námskeiðsformi.
Sem valgrein fyrir nemendur sem standa höllum fæti.
Í Valveri þar sem nemendur fá 23 tíma á viku í bóklegur greinum og 8 tíma í verklegum.Nokkrir nemendur fylgja bekkjum sínum í ákveðnum fögum sem valin eru af nem/kenn/foreldrum á sérstökum fundi að hausti og einnig fylga nemendudr bekknum sínum í íþróttum.
Nemendur í Valveri eru þáttakendur í valgreinum skólans á unglingastigi.

Einnig fer fram stoðkennsla við nýbúa.
Lögð eru fyrir stöðluð próf til að greina lesblindu í 9.bekk.


Hlutfall barna sem nýtur stuðnings og sérþjónustu í Engjaskóla er frekar hátt.

Stuðningúrræðin hafa nokkra valkosti í húsakosti .
Við höfum t.d.

Beiðablik lítið hóprými þar sem við vinnum með einstaklinga og mjög litla hópa.


Valhöll er venjuleg skólastofa sem við höfum hannað sérstaklega fyrir einstaklingsvinnu á miðstigi, þar eru einnig tölvur og afþreyingarmöguleikar fyrir nemendur /nemendur eru stundum inni í rýminu í frímínútum.


Ásgarður er kennslustofa sem við höfum aðalega innréttað fyrir yngstu börnin. Þar fer fram stuðningur í lestri og þar geta börn dvalið tímabundið sem eiga erfitt með að vera inni í stærri hópum.

Valver er kennslustofa sem er sérstaklega ætluð nemendum á elsta stigi og þar fer fram kennsla 14 nemenda.
Í Valveri starfa alltaf kennari og stuðningsfulltrúi.
Þangað sækja nemendur kennslu og stuðning.
Nokkrir nemendur fylgja bekkjum sínum í ákveðnum fögum sem valin eru af nem/kenn/foreldrum á sérstökum fundi að hausti og einnig fylga nemendur bekknum sínum í íþróttum.
Nemendur í Valveri eru þáttakendur í valgreinum skólans á unglingastigi.
Auk þessa er alrými fyrir framan stofurnar sem við getum nýtt eftir þörfum nemenda.

Námsumhverfið í þessum stofum er aðlagandi, fjölbreytt og hvetjandi.